کراچی: ایک سینئر پولیس افسر نے انکشاف کیا ہے کہ ان کے ڈرائیور کو سیٹ بیلٹ نہ پہننے پر ای-چالان جاری کیا گیا اور 10 ہزار روپے جرمانہ کیا گیا۔
افسر نے بتایا، "میرے ڈرائیور کو سیٹ بیلٹ نہ پہننے پر ای-چالان جاری ہوا اور اس پر 10 ہزار روپے جرمانہ عائد کیا گیا۔”
سندھ پولیس کی 28 اکتوبر کی پریس ریلیز کے مطابق، سیٹ بیلٹ نہ پہننے پر 1,535، بغیر ہیلمٹ موٹر سائیکل چلانے پر 507، تیز رفتاری پر 419، سرخ بتی توڑنے پر 166 اور ڈرائیونگ کے دوران موبائل فون استعمال کرنے پر 32 چالان جاری کیے گئے۔
اس ماہ کے آغاز میں آئی جی سندھ غلام نبی میمن نے کہا تھا کہ کراچی میں سب سے بڑا مسئلہ تربیت یافتہ ڈرائیوروں کی کمی ہے، جو اکثر افسوسناک حادثات کا سبب بنتے ہیں۔
دوسری جانب ایڈیشنل آئی جی کراچی جاوید عالم اوڈھو نے کہا کہ چہرہ شناسائی کے بغیر ای-چالان نظام سے پولیس اختیارات کے غلط استعمال اور عوام کے ساتھ منفی رویے کا خاتمہ ممکن ہوگا، جس سے ٹریفک قوانین کے نفاذ میں شفافیت اور اعتماد بڑھے گا۔
